Arte Eszenikoen programazioa

ANTZERKIAREKIN SEGURTASUNEZ ELKARTZEA – IKUSLE IZATEAREN ARTEA

MITUSU 20 urte bete dituen kultura- eta hezkuntza-proiektu garrantzitsu bat da eta bere helburua haur eta gazteen eta Arte Eszenikoen arteko harreman adierazgarri eta jarraitua sustatzea da.

Elkartearen xedea erkidegoko hainbat erakunde, eragile eta proiektu kulturalekin elkarlan aktiboan aritzea da, ikusleen sormen-gaitasuna eta formazioa bultzatzeko. MITUSUk Bilboko Udalaren laguntza eta Bizkaiko Foru Aldundiaren, Eusko Jaurlaritzaren eta Kultura Ministerioaren babesa dauzka. Gainera, Azkuna Zentroak eta Campos Antzokiak ere hartzen du parte eta proiektu honetan.

Programazioan drama garaikideak jorratzen dituzten proposamen eszeniko erakargarriak ditu. Horietako bakoitza gozatzeko, hausnartzeko, barre egiteko edo hunkitzeko gonbidapen bat da.

Bestalde, “Ikusle izatearen artea” programa paraleloak ekimenak proposatzen ditu antzezlan bat zuzenean ikusteak sortzen duen bizi-esperientzia artistiko eta kognitiboa zabaltzeko.

Abian denetik, 250.000 ikuslek hartu dute parte guztira jarduera horretan.

Gaur egungo ziurgabetasun orokor nabarmeneko egoeran, larrialdi-konponbideak irudikatzen saiatu gara, bizitzen ari garen ohiz kanpoko egoera kulturalari eta heziketakoari erantzuteko.

Badakigu heziketa-ohizkotasunera itzultzeak zuzeneko toki kulturalak sortzea behar izango duela, geure burua izaki sozialtzat berreraiki ahal izateko eta izan ditugun emozioak behar bezala adierazteko. Ildo beretik, MITUSU-n proiektua moldatu beharko genukeela uste dugu, ikastetxeei laguntzeko, konfinamendutik atera garela ospatzeko eta komunitateko bizitzaz gozatzeko.

Umeek eskubideak dituzte, eta ez dira etorkizuneko herritarrak bakarrik, baita oraingo herritarrak ere.
Horregatik, publikoa antzokira itzultzeko ibilbidea zehaztu ahal izateko zenbait aukera proposatuko ditugu. MITUSU-n proiektuaren erabiltzaileekin konpromiso handia hartu dugu, eta era aktiboan lan egingo dugu ikasturteko itzulera Kulturarekin eta Zuzeneko Arteekin berriz elkartzea izan dadin.

Diru-laguntzak

Elkarlan

Azkuna Zentroa